400

مینار پاکستان واقعہ، پلس ہتھوں چھیاٹھ (66) نپے گئے، ستر لوکاں دے مہاندریاں دی سیہان

اسلام آباد: (سجن ڈیسک) صوبائی دارالحکومت لاہور وچ مینار پاکستان تھاں اتے ھوون والے واقعہ مگروں مینار پاکستان پلس ہتھوں چھیاٹھ نپے گئے تے ستر لوکاں دے مہاندریاں دی سیہان ھو چکی اے تے ایھناں دی پن چھان جاری اے تے اس توں اڈ 300 سو توں ودہ لوکاں نال وی اس ماملے بارے پچھ گچھ چالو کر دتی گئی اے تے اس دے نال راوی روڈ چ پلیس نے ویڈیو بناون والے تے غیراخلاقی حرکتاں کرن والیاں ملزماں دی وی شناخت کر لئی اے ۔ اک ویروے موجب مینار پاکستان وچ سوانی نال بدوبدی دے ماملے اتے انویسٹی گیشن پلیس نے 70 توں ودہ لوکاں دی شناخت مکمل کرلئی اے۔ پلیس نے جیوفینسنگ دی مدد نال 791 فون نمبرز شارٹ لسٹ کرلئے نیں ۔ ضلع کچہری دی عدالت نے 40 ملزماں نوں شناخت پریڈ کرن لئی جیل گھل دتا اے ۔
پلیس دے وسیلیاں دسیا پئی کہ ملزماں نوں نادرا دی ویڈیوز تے پھڑے جاون والے ملزماں دی مدد نال ات چک لوکاں دی سیہان مکمل کیتی اے، چیتے رھوے کہ میڈیا اتے خبرچلن مگروں کجھ ملزم جھنگ، سرگودھا تے دونیاں ضلعیاں ول پھج نس گئے سن

اپنی رائے دا اظہار کرو