انڈیا دے سرکڈھویں بلے باز یوراج سنگھ نے عالمی کرکٹ نوں ہمیش لئی چھڈن دا اعلان کردتا۔
ممبئی وچ میڈیا نال گل بات کردیاں یوراج سنگھ انٹرنیشنل کرکٹ نوں وداع کرن دا ہوکا بھریا، تے آکھیا کہ ’25 ورھیاں تیک 22 گز وچ رہندے تے 17 ورھے تیک انٹرنیشنل کرکٹ وچ ویلا ٹپان مگروں ہن اوہ گھڑی آگئی جتھے مینوں اگے ودھنا ہووے گا۔
ایس کھیڈ مینوں لڑنا، ڈگنا، گھٹا جھاڑ کے فیر اٹھنا تے اگے ودھنا سکھایا اے۔ اوہناں آکھیا اوہ آپ نوں ودھ خوش بخت جان دے نیں، اوہناں ہندوستان لئی 400 میچ کھیڈے۔ ایس کھیڈ نال میرا نفرت تے محبت دا رشتہ اے جنہوں میں بیان نئیں کرسکدا۔
ایس مینوں لڑنا سکھایا میں کامیابی توں ودھ ناکامی ویکھی فیر وی کدے ہمت نئیں ہاری، اج اک کامیاب کرکٹر دی حیثیت نال میدان چھڈ کے جارہیا آں۔
