پاکستان دی پہلی ٹیسٹ ٹیم داآخری کھڈاری ٹرگیا

وقار حسن پاکستان دی سبھ توں پہلی ٹیسٹ ٹیم وچ شریک سن، اوہ لمے چر توں بیمار سن، اوہ کراچی وچ 87 ورھے دی عمر وچ انتقال کرگئے۔
مڈل آرڈر بیٹسمین وقار حسن نے 21 ٹیسٹ میچاں وچ پاکستان دی نمائندگی کیتی تے 1071 رن بنائے، اوہناں نے 1955 وچ نیوزی لینڈ خلاف دوجے ٹیسٹ وچ لہور وچ 189رنز دی بھرویں اننگز کھیڈی سی، وقار حسن پاکستان کرکٹ ٹیم دے چیف سلیکٹر وی رہ چکے نیں۔ اوہ پاکستان دی مشہور مصالحہ کمپنی نیشنل دے مالک سن۔