(اسلام آباد ) وفاقی کابینہ نے پاکستان کرکٹ بورڈ دے نویں آئین دی منظوری دے دتی سٹے وچ ڈومیسٹک کرکٹ وچ ڈپارٹمنٹس دا کردار مک جاسی .وزیراعظم عمران خان دی اگوائی ہیٹھ وفاقی کابینہد دا اجلاس ھویا جھدے وچ اہم سیاسی فیصلیاں دے نال پاکستان کرکٹ بورڈ(پی سی بی) دے نویں آئین دی منظوری وی دتی کئی.ایہ نواں آئین تے نظام آسٹریلین کرکٹ نوں ساھمنے رکھدیاں اساریا گیا اے جو وزیر اعظم عمران خان ہمیشا آکھدے رھندے سن ۔ ورھے دے شروع جون چ پاکستان کرکٹ بورڈ نے نویں آئین دا مسودہ منظوری لئی رابطیاں دی صوبائی وزارت نوں منظوری لئی گھلیا گیا سی ایتھے منظوری مگروں وفاقی کابینہ نے وی منظوری دے دتی ۔ نویں آئین ہیٹھ ڈپارٹمنٹل سسٹم سرے توں مکا دتا اے تے ھن ٹیمیاں صوبائی پدھر اتے ڈومیسٹک کرکٹ دا حصا ہوون گیاں ۔نویں آئین موجب پنجاب، جنوبی پنجاب، سندھ، خیبر پختونخوا، بلوچستان تے کیپیٹل ایریاز سنے 6 ٹیماں فرسٹ کلاس ٹورنامنٹ کھیڈن گیآ ں ۔
408
