انگلینڈ پاکستان دا صفایا کرچھڈیا

انگلینڈ نے پنچ اک روزہ میچاں دی سیریز دے اخیرلے مقابلے وچ کرس وؤکس دی تباہی والی بولنگ پاروں پاکستان نوں 54 رنزاں نال شکست دے کے سیریز وچ کلین سویپ کر دتا اے۔

انگلینڈ پہلاں بلے بازی کردیاں پاکستان نوں جیتن لئی 352 رنز دا ہدف دتا جدے جواب وچ پوری پاکستانی ٹیم 47ویں اوور وچ 297 اتے ڈھیر ہوگئی۔ کپتان سرفراز احمد تے بابر اعظم توں سوا کوئی بلے باز ٹک کے وکٹ اتے نئیں کھلو سکیا، کسے چج دے کھیڈ دا مظاہرہ نئیں کیتا۔ کرکٹ شوقین اج وی آس لائے بیٹھے پر اوہناں نوں ڈاھڈا دکھ ہویا۔
ٹاپ آرڈر اج وی شوقیناں نوں مایوس کرگیا، چھ سکوراں اتے تن کھڈاری واپس ٹرگئے سن۔ فخرزمان، عابدعلی تے محمد حفیظ نے آن جان ای کیتا۔

بابر اعظم تے کپتان سرفراز احمد نے ٹیم نوں آسرا کرایا، دوہاں 146 رنزاں دی ساجھے داری کیتی۔ بابراعظم نو چوکے تے اک چھکے دی مدد نال 80 سکور اتے رن آؤٹ ہوئے،سرفراز 80 گینداں اتے 97 بناکے پولین ٹرگئے۔ ساری ٹیم 297 اتے ڈھے گئی۔