انٹرنیشنل کرکٹ کونسل (آئی سی سی) ورلڈ کپ وچ تعصب دی انتہا کردتی تے پاکستان دے کپتان تے ٹیم اتے جرمانہ کردیاں انگلش ٹیم نوں وڈی غلطی دے باوجود کوئی سزا نئیں دتی گئی۔
انگلینڈ دے خلاف ورلڈکپ میچ مگروں آئی سی سی نے سلو اوور ریٹ اتے کپتان سرفراز احمد سنے ٹیم دے کھلڈاریاں نوں جرمانے کیتے۔
آئی سی سی ولوں جاری اعلامیے مطابق قومی ٹیم دے کپتان اتے میچ فیس دا 20 فیصد جرمانہ جدکے سارے کھڈاریاں اتے 10 فیصد جرمانہ ہویا۔پاکستان اپنے متھے ویلے وچ 50 اوورز کروان وچ اک اوور پچھے سی۔
دوجے پاسے عالمی کپ دی میزبان انگلش ٹیم اتے خاص مہربانی کیتی جنہیں تن اوور اتے کیتے اوس نہ کوئی جرمانہ ہویا نہ کوئی وارننگ دتی گئی۔ اوہ 19منٹ پچھے سی۔
آئی سی سی قنون تحت ہولی اوور کران دی سزا دے 2 درجے نیں۔
پہلے درجے وچ جے ون ڈے کھیڈدیاں کوئی ٹیم مقررہ وقت توں اک یا دو اوور پچھے ہوئے تاں معمولی جرم سمجھیا جاندا اے ایس صورت وچ کپتان تے ٹیم اتے جرمانہ یاں فیر اوہناں نوں چیتاونی دتی جاندی اے۔
ایس دے باراں مہینے مگروں فیر انج کرن اتے کپتان اتے اک میچ دی پابندی لگ جاندی ای، جیویں پاکستان سیریز دوران انگلش کپتان آئن مورگن نوں بھگتنی پئی سی۔ کیوں جے اوس سال دوران دوجی واری ایہہ کم کیتا سی۔انگلینڈ ٹیم پاکستان دے خلاف ورلڈکپ دے میچ وچ تن اوور پچھے سی ایس دے باوجود کپتان اتے کسی قسم دی پابندی یا جرمانہ نئیں کیتا گیا، جتھوں پتہ چلدا اے پئی آئی سی سی پاکستان نال پکھ جانب داری دا مظاہرہ کیتا۔
397
