کھڈاریاں دی سیواکرو، اوھناں دی مت نہ مارو.

(اسلام آباد سجن ڈیسک) اک ویروے موجب پاکستان وچ کرکٹ توں اڈ کسے وی سپورٹس دے نہ ٹریننگ کیمپ لگدے نیں تے نی ھی سکول کالجاں دی پدھر اتے فنڈ خرچے دتےجاندے نیں .سپورٹس دے سرکاری تے سیاسی بلیار کووڈ دا بہانہ بنا کے 20 سالاں دی نالائیقی اتے پردہ پاون دی ناکام کوشش کریندے نیں جو نندیا جوگ اے . سرکار نوں سکولاں کالجاں دے بالاں نوں پڑھائی دے نال نال سپورٹس دیاں سوکھتاں دیون اتے آھر کرنا چاھیدا اے تاں جے اوھناں دی سوچن سمجھن دیاں صلاحیتاں وچ ودھا ھو سکے