قومی بچت دیاں سکیماں دے منافع وچ وادھا کردتا گیا

( اسلام آباد سجن ڈیسک ) قومی بچت اسکیماں دے منافع وچ وادھا دتا گیا اے، نوٹیفکیشن موجب پینشنرز اکاؤنٹ اتے شرح منافع 11.04 توں ودھا کے 12.96 فیصد کردتا گیا۔ ایہ شرح منافع 10 دسمبر توں لاگو ھووے گا ، وزارت خزانہ نے نوٹیفکیشن جاری کردتا۔
نوٹیفکیشن موجب بہبود سیونگز اکاؤنٹ اتے منافع 11.04 توں ودھا کے 12.96 فیصد کردتا گیا، ریگولر انکم اکاؤنٹ اتے منافع 8.76 توں ودھا کے 10.80 پرسنٹ کردتا گیا اے ۔ اس توں اڈ سیونگز اکاؤنٹ اتے منافع 5.50 پرسنٹ توں ودھا کے 7.25 فیصد کردتا گیا،اے اسپیشل سیونگ اکاؤنٹس اتے منافع 8.20 فیصد توں ودھا کے 10.60 فیصد کردتا گیا اے ۔ ڈیفنس سیونگ سرٹیفکیٹ اتے منافع 9.37 فیصد توں 10.98 فیصد کردتا گیااے ۔