پاکستان سرکارنے پلوامہ واقعہ اتےبھارتی الزامات رد کردتے،خارجہ وزیر شاہ محمود قریشی نے جرمنی دے شہر میونخ وچ میڈیا نال گل کردیاں آگھیا نریندرمودی داایجنڈا مٹی وچ مل گیا، بھارت داپاکستان نوں سفارتی سطح اتے کلیاں کرن دی سوچ کدے توڑ نئیں چڑھے گی۔ اوہناں آکھیا پاکستان کدے تشدد دی حمایت نئیں کیتی،ناں ای اپنی دھرتی کسے نوں دہشت گردی لیے ورتن دتی۔ شاہ محمود قریشی نے آکھیا کہ دہشت گردی وچ جاناں جان دا ڈاھڈا دکھ اے۔اوہناں بھارت توں آکھیا جے اوس کول کوئی ثبوت ہن تاں پاکستان نوں دیوے۔
462
