لبنانی وزیر اعظم حسن دیاب سرکار چھڈ دتی

(اسلام آباد ڈیسک11 اگست ) لبنان دے دارالحکومت بیروت وچ چار اگست نوں ھوون والے دھماکے توں مگروں سرکار دی نا اہلی اتے لوکاں دا غصا ٹھنڈا ھوون دی تھاں روز دیھاڑے اس وچ وادھا ھوندا جا رھیا سی جس نوں ویکھدیاں وزیر اعظم حسن دیاب نے قومی ٹی وی اتے سکار چھڈن دا ھوکا دتا اے .چیتے رھوے کہ چار اگست نوں لبنان دے کیپیٹل بیروت وچ اک دھماکہ ھوون پاروں درجناں لوکاں دے مرن تے 5000 ھزار توں ودہ پھٹڑھوون دی تصدیق کیتی سی ۔اس دھماکے پاروں شھر وچ وی بھوں نقصان ھویا سی .ملک دے وزیر صحت موجب گھٹو گھٹ 135 موتاں تے5000 توں ودہ پھٹڑ ھوئے سن . لبنانی وزیراعظم نے آکہیا سی کہ ایہ گل ھضم نھیں ھو رھی اے کہ ویئر ہاؤس وچ 2750 ٹن امونیم نائٹریٹ موجود سی ۔اونھاں اپنے ٹویٹر اکاؤنٹ اتے ایہ سنھیا لکھیا سی کہ ’میں اوس ویلے تائیں سکھ نال نھیں بھواں گا جد تائیں اس واقعے دے ذمہ واراں دا کھرا نھیں لبھے گا پوری پن چھان مگروں کرڑی سزا دتی جاوے گی .اس توں پھلاں لبنان دے سکیورٹی چیف دا آکھناں سی کہ ایہ دھماکہ اس علاقے وچ ھویا جتھے چوکھا بارود موجود سی ۔امونیم نائٹریٹ نائٹروجن ، ہائیڈروجن تےآکسیجن نال بنیا اک کیمیکلز اے تے اس نوں واھی وانی لئی کھاد دے طور ورتیا جاندا اے .