لکھاری زاھد اقبال بٹ
کسے شے نوں وڈن ٹکن تے ڈکا لگاون نال دماغ اندر موجود شرافت نھیں گھٹدی تے نہ ھی مکدی اے ، ایہ اپنی کوسی کوسی ٹکور نال پھلدی پھلدی رھندی اے تے نہ ھی فقر سنگیت صدق صفا ّعارف پرواز دا پندہ مکدا اے۔ دماغاں اندر کھچیاں بے حساب لال لکیراں جنگی نقشیاں دا کھلار نھیں ۔ ایھدے وچ نہ فصیلاں تے نہ کنڈیاں دیاں باراں نیں ۔ تسیں لکھ حجتاں کر لو، سندا ضرور اے پر ایہ تھاڈیاں چاپلوسیاں منن واسطے تیار نھیں . ایہ کتاب سبق تاں ضرور پڑھدا سندا اے پر مرضی اپنی کردا اے ۔ ایھدیاں چالاں شطرنج دی چالاں گھوڑیاں توپاں ،پیادیاںدیاں یلغاراں نھیں ، ایھدیاں ساریاں واراں فقر ملنگ دیاں دیاں واراں نیں۔ ایہ تھڑکدا نھیں مال خزینیاں اتے ،ایھ چپ چپیتے لنگھ جاندا اے سورج دی چھاں وانگوں ۔ ایھنوں گھڑ تی اے صدیاں ورھیاں دی ، نھیں ویر کمایا سکیا ، سڑیاں سکیاں ھڈیاں توں ۔ ایہ تاں مرید اے لکھاں کروڑاں زائیقیاں ، ٹھاراں، ڈونگھیاں لہراں دا ، ایہ ھتھے نھیں چڑھدا ، ایھدے ساھمنے کوئی دیوان خاص نھیں ، ایہ تاں جلدا بلدا رھندا اے ….مترا … ایھ ھی ایھدا قصور اے ،،،،،، جلدا بلدا رھندا اے ….مترا … ایھ ھی ایھدا قصور اے
719
