(اسلام آباد ڈیسک ) اسلام آباد نال جڑے شہر راولپنڈی وچ کورونا وایرس دے روگیاں دے کیسز ودھن توں بعد صوبائی سرکار دی ہدیت اتے ضلعی انتظامیہ نے علاقیاں نو ں سیل کرنا شروع کردتا اے ۔ اس وچ کنٹونمنٹ دے علاقے وی شامل نیں ۔صوبائی سرکار ولوں ضلعی انتظامیہ نوں جو لسٹ دتی گئی اے، ایھدے وچ ڈھوک کالا خان، ڈھوک پراچہ، ڈھوک کشمریاں،ڈھوک علی اکبر، مجسٹریٹ کالونی، سیٹلائٹ ٹاون دے اے بلاک تے سی بلاک، صادق آباد، مسلم ٹاون، ڈھیری حسن آباد توں اڈ کنٹونمنٹ دے علاقے ٹینچ بھاٹا، پیپلز کالونی تے علامہ اقبال قالونی شامل ۔ایس علاقیاں وچ سارے سرکاری تے لوکل دفتر بند رھن گے جدکہ کسینوں وی آواجاوی دی اجازت نھیں ھووے گی پر کسے وی ایمرجنسی د ی صورت وچ لوکیں اندر باہر جاون د ی اجازت لے سکدے نیں ۔ کورونا وائرس پاروں پاکستان دے صوبے پنجاب دے ضلع راولپنڈی وچ سبھ توں ودہ کرونا روگیاں دے کیسز رپورٹ ہوئے نیں ۔
293
