اسلام آباد(بی بی سی )پولیس نے رکن قومی اسمبلی تے پشتون تحفظ موومنٹ دے آگو محسن داوڑ نوں اوس ویلے گرفتار کیتا،جدوں اوہ اسلام آباد پریس کلب ساہمنے منظور پشتین دی گرفتاری خلاف احتجاجی مظاہرے وچ شریک سن،
اوس توں پہلاں پشاور دی عدالت نے پشتون تحفظ موومنٹ رہنما منظور پشتین دی عارضی ضمانت درخواست خارج کیتی، اوہناں نوں ڈیرہ اسماعیل خان دی عدالت وچ پیش ہوون دا حکم دتا گیاسی۔
محسن داوڑ دی گرفتاری بارے اسلام آباد پولیس نے بی بی سی نوں دسیا اوس ویلے گرفتار کیتا گیا، جدوں اوہناں اوس حد دی اولنگھنا کیتی،جیہدی خلاف ورزی توں اوہناں نوں منع کیتا گیا سی، تاراں نوں ٹپن دی کوشش کیتی تے منع کرن باوجود پلس دی نئیں سیں۔
پولیس نے نیشنل پریس کلب کے باہر سپر مارکیٹ جاون والی سڑک اتے کنڈے والیاں تاراں رکھیاں سن، جتھے موجود ضلعی انتظامیہ تے پولیس حکام دا کہناسی، اج گرفتاریاں ہوون گئیاں،فیر اوہناں انج ای کیتا
اک افسر نے ساہمنے فٹ پاتھ ول اشارہ کردیاں بی بی سی دی نمائندہ نوں دسیا کہ ’احتجاج دی اجازت صرف ایس پوائنٹ تیک دتی گئی سی، اگے ودھن دی کوشش کرن والے قنون دی خلاف ورزی کرن گے۔
378
