لکھاری زاھد اقبال بٹ
ہر بندے دی اٹکل تے پینترے اک دوجے توں وکھ ھوندے نیں تے ایہ وکھرا پن ھی اوھدی خاص پکی عادت تے جنون بندا اے ۔کسے نوں جنس دا جنون ھوندا اے تے کسے نوں غصے دا، کسے نوں لالچ دا تے انا پرستی دا، کسے نوں چودھراھٹ دا تے کسے نوں شعبدابازی دا، کسے نوں مال متا جمع کرن دا تے کسے نوں اچیاں لمیاں رھتلاں بناون دا جنوں ساری حیاتی سر تے سوار رھندا اے ۔ سانون صرف ایہ پتا کرنا ھوندا اے کی کسے بندے دے جنون دا خط کیہ اے ، ایھدا گویڑ کرنا بھوں اسان اے جیویں اوھدیاں ظاھریاں حرکتاں تے اکھاں دے پھیر ، تے لولکاں توں اوھلے لکیاں مندیاں منصوباں بندیاں جھڑیاں ویلے کویلے لوکاں ساھمنے ظاہر ھوندیاں رھندیاں نیں تے گھڑی دے پنڈولم وانگوں مڑ ساری حیاتی اکو ای جنونی مرکزی نقطے ول پرت د یاں ،جھول دیاں رھندیاں نیں تے ملال بناں حیاتی چلدی رھندی اے ۔ ایہ مڈھو چمڑیاں جنونی لتاں ( غلط کاریاں ) ساری حیاتی ڈھوندیاں اجیھے لوکیں درا ماسا وی آگاہ نھیں ھوندے تے سٹے وچ اجیھے لوکیں جنونی گندے بڈھے ھو کے مر دے نیں ۔متراں ….. سوال ایہ ھے کہ چنگے بڈھے ھو کے مرن دی رمز کیہ ھے ؟؟؟ تے سب توں وڈی جنونی خامی نوں ساڑ سواہ کرنا تے پنڈولم نوں وچکار کیویں ڈکنا اے ایہ سوال تھاڈے تئیں چھڈنا آں …….
758
