بھارتی فوج دے سربراہ جنرل بپن راوت اپنی مدت ملازمت پورن مگروں 31دسمبر نوں ریٹائر ہورہے سن، مودی سرکار نوں بھارت دا پہلا چیف آف ڈیفنس سٹاف لا دتا اے۔
15 اگست نوں بھارتی وزیراعظم نریندر مودی نے ملک وچ فوج دے چیف آف ڈیفنس اسٹاف دے اک نویں عہدے دا اعلان کیتا سی، جیہدے مگروں 24 دسمبر نوں کابینہ نے ایس صلاح دی منظوری دتی سی۔
بھارتی کابینہ دی دفاع لئی اچیچی کمیٹی ولوں چیف آف ڈیفنس سٹاف دا عہدہ بناون، اوس دے کردار، ضابطے تے چارٹر دی منظوری دتی گئی۔
بھارت وچ مسلح افواج دے سربراہ 62 ورھے تیک اپنے عہدہ سنبھال سکدے نیں جد کہ فوجی قنون وچ ترمیم مگروں چیف آف ڈیفنس سٹاف 65 سال دی عمر تیک کم کرسکے گا، اوہدا عہدہ چار ستارے والے جنرل دا ہووے گا۔
بھارتی میڈیا کے مطابق چیف آف ڈیفنس سٹاف فوج نوں جدید بناون تے تیناں فوجاں وچ رابطے چنگے بناون دے نال پردھان منتری تے سرکار نوں رکشا معاملیاں وچ مشاورت دے گا۔ جنرل بپن راوت دی ریٹائرمنٹ مگروں لیفٹننٹ جنرل منوج مکوند نروڑے بھارتی فوج دے اگلے آرمی چیف ہوں گے۔
336
