’زندگی تماشا‘ دی پنجاب تے سندھ وچ نمائش روک دتی

صوبہ پنجاب تے سندھ دی سرکاراں نے ہدایت کار سرمد کھوسٹ دی فلم ’زندگی تماشا‘ دی نمائش روک دتی۔ مرکزی سرکار دی اطلاعواں دی صلاح کار فردوس عاشق اعوان وی ایس اتے اعتراض کردتا۔
پنجاب حکومت نے سر مد کھوسٹ دی فلم ’زندگی تماشا‘ دی 24 جنوری نوں ریلیز روکدیاں فلم نوں اک وار فیر ویکھن لئی 3 فروری دی تاریخ دتی اے۔
پنجاب حکومت نے جائزہ کمیٹی بنائی اے جیہڑی فلم متعلق مختلف حلقیاں دے گلے شکوے ویکھے گی۔
دوجے پاسے سندھ حکومت نے وی فلم دی نمائش اتے ہٹک لادتی اے۔
فلم دے ہدیتکار سرمد کھوسٹ دا کہنا اے کہ فلم دو وار سنسر بورڈ توں پاس ہوچکی اے۔
سرمد کھوسٹ نے پاکستانی عوام دے نام خط وچ آکھیا کہ ایس فلم دی کہانی صرف اک چنگے مسلمان دی اے، میں ایس وچ کسے فرقے تے پارٹی دا نام نئیں لیتا، سگوں ایہہ فلم اک اچھے مولوی دے حوالے نال اے۔اوہناں آکھیا مینوں کئی حلقیاں ولوں تڑیاں لائیاں جارہیاں نیں،