برطانیہ وچ عام انتخابات دی پولنگ تے ووٹاں دی گنتی مگروں نتیجے آونا شروع ہوگئے نیں۔
برطانوی وزیراعظم بورس جانسن دی کنزرویٹو پارٹی تے اپوزیشن لیڈر جیریمی کوربن دی لیبر پارٹی وچ سخت مقابلہ اے۔
ایگزٹ پول مطابق ووٹاں دی گنتی مگروں ہن تیک کل 650 وچوں 267 سیٹاں دے نتیجے آئے نیں، جنہاں وچ کنزرویٹو نوں 132، لیبر پارٹی نوں 101 تے اسکاٹش نیشنل پارٹی نوں 18 سیٹاں اتے وادھا اے۔
بی بی سی، آئی ٹی وی تے اسکائی نیوز دے ایگزٹ پول مطابق کنزرویٹو پارٹی پکے پیریں میدان وچ کھلوتی اے، اوس دی جت وکھائی دیندی اے۔
کنزرویٹو پارٹی نوں 368 سیٹاں لبھن دا امکان جیہدے نال اوہ تقریباً 50 اضافی نشستاں جت کے کلے ای سرکار بناون دی پوزیشن وچ آجاوے گی، مخالف لیبر پارٹی 191 نشستیں حاصل کر پائے گی۔
برطانوی الیکشن، وچ ہن تائیں آون والے نتیجیاں موجب ساجد جاوید تے ناز شاہ سنے 15 پاکستانی کامیاب ہوگئے نیں
348
