وکیلاں نے پنجاب انسٹیٹیوٹ آف کارڈیالوجی (پی آئی سی) اندر جاکے توڑ پھوڑ کیتی تے ڈاکٹراں نوں کٹ لائی۔
لاہور وچ وکیل آپوں باہر ہوگئے، غنڈہ گردی کیتی ڈاکٹرز ولوں ویڈیو وائرل کرن اتے دِل دے اسپتال اتے حملہ کردتا، مریضاں دا خیال تیک نہ کیتا۔
رکاوٹاں ہٹا کے اسپتال وچ داخل ہوئے، رستے وچ کھلوتی گڈیاں نوں نقصان پہنچایا، ایمرجنسی دے شیشے توڑ دتے، اسپتال دے باہر توں وی اٹاں ماریاں، وکیلاں پولیس موبائل نوں اگ لادتی۔
اطلاعات دے وزیر فیض الحسن چوہان اپڑے اوہناں نوں وی نئیں چھڈیا تے کٹ لائی۔ آن جان والیاں اتے۔ ڈنڈے برسائے، مریضاں دے اہلخانہ زد وچ آئے، ڈاکٹرز نوں وی ماریا کٹیا، وکیلاں نے ہوائی فائرنگ کیتی، صحافیاں نوں وی نئیں چھڈیا،
طبی امداد نہ ملن ستے زنانی سنے 3 مریض انتقال کر گئے
ہلڑ بازی کارن اسپتال وچ زیر علاج مریضاں وچ خوف پھیل گیا ڈرپاں لگے کئی مریض وارڈ توں باہر آ گئے۔
مغل پورہ دے جوان نے دسیا کہ اسپتال وچ صورتحال مگروں میری والدہ گلشن بی بی انتقال کر گئی۔
اک ہور مریض دے گھر والیاں نے دُہائی دتی کہ دوائی لین جا رہا ساں کہ ایس دوران وکیلاں اوس نوں ماریا۔
واقعے مگروں پی آئی سی وچ مرکزی استقبالیہ لاونج بند کر دتی گئی، پولیس دی بھاری نفری اسپتال اندر تے باہر تعینات اے۔
وزیر اعلیٰ پنجاب عثمان بزدار نے پنجاب انسٹی ٹیوٹ آف کارڈیالوجی میں وکلاء کی ہنگامہ آرائی کا نوٹس لیتے ہوئے سی سی پی او لاہور اور صوبائی سیکریٹری اسپشلائزڈ ہیلتھ اینڈ میڈیکل ایجوکیشن سے رپورٹ طلب کرتے ہوئے واقعے کی تحقیقات کا حکم دے دیا ہے۔
وزیراعظم دی اسپتال اتے حملے وچ ملوث بندیاں خلاف کارروائی دی ہدایت دتی اے۔
