آرمی جنرل قمر جاوید باجوہ دی مدت وچ توسیع تے تقرری خلاف درخاست گزار ریاض حنیف راہی نے دائر کیتی اے۔ درخاست گزار آپ پیش نئیں ہوئے، اوہناں درخواست واپس لین دی بینتی کیتی جنہوں عدالت نے مسترد کرتا۔
چیف جسٹس پاکستان نے کہیا کہ درخاست نوں (3) 184 دے تحت ازخود نوٹس وچ بدل رہے آں۔
عدالت دا آکھنا سی درخواست وچ جیہڑا سوال اٹھایا گیا کہ ایہہ عوامی مفاد دا سوال اے لہٰذا ایس درخواست اتے سنوائی کیتی جاءےگی۔
ایس موقع اتے اٹارنی جنرل پاکستان انور منصور خود عدالت وچ پیش ہوئے کئی دستاویزاں پیش کیتیاں۔ عدالت نے کہیا کہ اٹارنی جنرل دی مدد نال جائزہ لیا تے نوٹس کیتا کہ سمری ابتدائی طور اتے وزارت دفاع نے بھجوائی جو آرمی چیف دی تین سال لئی تقرری تے توسیع لئی بھجوائی گئی۔
جسٹس آصف سعید کھوسہ نے آکھیا کہ اٹارنی جنرل توں کئی سوال پوچھے تے اوہناں نے آرمی ریگولیشن رولز دا حوالہ دتا جس مطابق آرمی آفیسر دی ریٹائرمنٹ مگروں عارضی طور اتے اس دی مدت وچ توسیع کیتی جاسکدی اے۔
عدالت دا کہنا سی کہ اس معاملے وچ جو کیتا گیا اوہ ایسا ای اے کہ جیویں گھوڑا گڈی دے آگے گاڑی لگانا تے گھوڑے نوں پچھے باندھنا اے۔
چیف جسٹس نے ریمارکس دتے کہ انج تاں مسلح افواج وچ کم کرن والا ہر بندہ تقرری چاہے گا۔
عدالت نے کہیا کہ اٹارنی جنرل دسیا جنرل قمر جاوید باجوہ دی تقرری ریجنل سیکیورٹی نوں ساہمنے رکھ دیاں ہوئی اے۔ ایہدی سیکیورٹی صورتحال دی اصطلاح ورتی گئی اے اوہ صاف تے سانویں نئیں اے۔ مسلح افواج کسے وی خطرے دی صورت وچ باڈی دے طور اتے فوج کم کردی اے۔ کوئی کلا کم کرن والا نئیں کرسکدا۔ جے ایہہ روایت پادتی گئی تاں فیر مسلح افواج دا ہر بندہ اہم اے ایس دی مدت ودھانا ہووے ہوگی۔
عدالت نے کہاکہ درخواست وچ موجودہ آرمی چیف تے دوجے بندیاں نوں فریق بنایا گیا لہٰذا عدالت جنرل باجوہ تے دیگر نوں نوٹس جاری کردی اے۔
اس دوران عدالت نے اٹارنی جنرل توں پوچھیا کہ آرمی چیف دی مدت کدوں مُک رہی اے؟ اٹارنی جنرل نے دسیا کہ 28 نومبر آخری تاریخ اے۔
اٹارنی جنرل دی تجویز اتے عدالت نے آکھیا کہ اسیں آرمی چیف دی مدت ملازمت ودھان دا حکم معطل کردے آں، وزیراعظم ایس تقرری دے مجاز نئیں ایہہ صدر دا اختیار اے۔
367
