پاکستان دی اک عدالت نے فیس بک اتے مذہب دی توہین کردیاں پوسٹ لاون دے الزام وچ اک بندے نوں پنج ورھے مشقت سنے قید دی سزا سنائی اے، فرانسیسی خبر ایجنسی اے ایف پی مطابق ساجد علی نام دے بندے اتے الزام سی پئی اوس نے 2017 وچ توہین مذہب کردیاں سوشل میڈیا اتے کجھ اسلامی شخصیتاں بارے غلط قسم دی پوسٹاں کیتیاں سن، سرکاری وکیل منام بشیر دسیا کہ ملزم اتے سائبر کرائم قنون ہیٹھ پہلاں مقدمہ درج ہویا فیر اوس خلاف کیس دی سنوائی کیتی گئی۔ دسیا جاندا اے پئی دو ورھیاں پہلاں ایہہ قنون بنیا جدے مگروں ہن تائیں 500 بندیاں خلاف مقدمے درج کیتے جاچکے نیں، ساجد علی پہلاں شہری اے جنہوں ایس قنون ہیٹھ سزا سنائی گئِی اے۔
340
