حکومت دے جسٹس قاضی فائز عیسیٰ اتے سنگین الزام

اٹارنی جنرل آف پاکستان انور منصور خان نے سپریم کورٹ دے جسٹس قاضی فائز عیسیٰ اتے ڈاھڈے سخت الزام لائے نیں۔
جسٹس قاضی فائز عیسیٰ خلاف صدارتی ریفرنس معاملے اتے اٹارنی جنرل انور منصور خان نے اپنا جواب سپریم کورٹ وچ جمع کرا دتا۔
اٹارنی جنرل نے آکھِیا کہ جسٹس قاضی فائز عیسیٰ دے بچے اُوہناں دے بے نامی دار نیں، جسٹس قاضی فائز عیسیٰ جائیداد خریدن دے ذرائع نئیں دس رہے۔
انور منصور خان نے کہیا کہ جسٹس فائز عیسیٰ دی درخاست سماعت جوگ نئیں تے اوہناں دے الزام نرے گھڑے ہوئے نیں۔
جواب وچ لکھیا کہ احتساب تے شفافیت، جمہوریت دا حصہ اے، احتساب توں جج سمیت کوئی وی بندہ وڈا نئیں اے۔
اٹارنی جنرل نے جواب وچ اک جگہ لکھیا کہ صدر تے وزیراعظم نوں اپنی ذمہ داریاں اتے آئین دے آرٹیکل 248 تحت چھوٹ اے۔