فیس بک دی دماغ پڑھن والی ٹیکنالوجی

فیس بُک دے وائس پریزیڈنٹ ’اینڈریو بوس ورتھ‘ نے اعلان کیتا اے کہ ’سی ٹی آر ایل لیب‘ دے تعاون نال کمپنی اک اجیہا بینڈ بناوں لگی اے جنہوں ہتھ اتے بندھن مگروں تہاڈے دماغ وچ چلن والی سوچ نوں پڑھیا جاسکے گا۔
بینڈ جسم وچ موجود الیکٹرک سگنل نوں پڑھ کے دماغ وچ چلن والی سوچ نوں حاصل کرلے گا۔
فیس بک مطابق ایس بینڈ نوں بناوں دا بنیادی مقصد لوکاں نوں اوہناں دی ڈیجیٹل لائف کنٹرول کرن تے ایس حوالے نال فیصلہ کرن وچ با اختیار بنانا اے۔
انسانی جسم وچ ریڑھ دی ہڈی وچ نیورون پائے جاندے نیں جنہاں دا کم پورے جسم وچ الیکٹرک سگنلز پہنچانا ہوندا اے۔ نیورون دے کارن انسان نوں جانکاری ہوجاندی اے اوس نوں کدوں چلنا چاہیدا اے کدوں بیٹھنا تے کھانا اے۔