شیشہ پین دیو، گھراں وچ اپڑگیا،پابندی چک دیو

سینیٹ دی سٹنڈنگ کمیٹی قومی صحت نے ریسٹورنٹاں وچ شیشہ پین اتے ہٹک چکن تے مناسب قنون بناون دی سفارش کردتی اے۔
وزرات صحت دے حکام دا آکھنا اے کہ اوہ وی پابندی دے حق وچ نئیں ،جدکے کمیٹی دی صدارت کردیاں سینیٹر میاں عتیق شیخ بولے کہ لندن وچ ساڈے کرکٹرز شیشہ پیندے رہ گئے تے اسیں میچ ہار گئے، افسوس اے کہ شیشے اتےپابندی لان لئی میں سبھ توں زیادہ رولا پایا، پر ہوٹلاں وچ پابندی مگروں شیشہ گھراں وچ اپڑگیا۔
سینیٹر میاں عتیق آکھیا، ریسٹورنٹس وچ شیشہ اتے لائی پابندی ہٹالئی جاوے، ترقی کرن والے ملکاں وچ شیشے اتے ہٹک نئیں ہوندی۔
کمیٹی رکن منظور کاکڑ آکھیا پہلاں اک بندہ ریسٹورنٹ جا کے شیشہ پیندا سی، ہن سارا ٹبر پیندا اے۔ وزرات صحت دے افسراں دا آکھنا شی، وزارت وی پابندی دے حق وچ نئیں اے، پابندی سپریم کورٹ دے حکم اتے لگی سی۔