جاسوسی داالزام، 2 فوجی ،اک سول افسر نوں سزائے موت،عمرقید

آئی ایس پی آر مطابق بریگیڈیئر (ر) راجا رضوان نوں سزائے موت تے لیفٹیننٹ جنرل (ر) جاوید اقبال نوں 14 سال قید سزا سنائی گئی سی جدکے سول افسر ڈاکٹر وسیم اکرم نوں وی سزائے موت سنائی گئی سی،آرمی چیف جنرل قمر جاوید باجوہ نے سزاواں دی توثیق کردتی۔تنے مجرما ں نوں غیر ملکی ایجنسیاں نوں حساس جانکاری فراہم کرن اتے پاکستان آرمی ایکٹ تے آفیشل سیکرٹ ایکٹ تحت سزا سنائی گئی۔ کئی سابق افسراں نوں کورٹ مارشل وی کیتا گیا،جدے وچ لیفٹیننٹ جنرل ریٹائرڈ اسد درانی نوں وی کورٹ مارشل داسامناکرنا پیا، اوہناں اتے بھارتی خفیہ ایجنسی دے سربراہ نال رل کے کتاب لکھن دا الزام سی۔ ایسراں ای، این ایل سی اسکینڈل وچ لیفٹیننٹ جنرل (ر) محمد افضل کو سزا دتی گئی، میجر جنرل (ر)خالد زاہد اختر نوں کورٹ مارشل تحت سزاواں دتیاں گئیاں۔لنگھے دو ورھیاں دوران مختلف رینک دے 400افسران نوں سزاواں دتیاں گئیاں۔اینہاں وچ افسران نوں نوکریاں توں فارغ وی کتیاگیا۔