نواز شریف دا’عدلیہ بچاؤ تحریک’چلاون دااعلان

سابق وزیر اعظم مسلم لیگ (ن)دے قائد نواز شریف نے ملک وچ بھرویں انداز وچ ‘عدلیہ بچاؤ تحریک’ چلان دا اعلان کر دتااے۔ کوٹ لکھپت جیل وچ ملاقات لئی آن والے پارٹی رہنماؤاں نوں نواز شریف نے واضح پیغام دیتا کہ عدلیہ اتے شب خون مارن دی اجازت نئیں دیواں گے تے جیہڑا وی عدلیہ بچاؤ تحریک وچ شریک نئیں ہویااوس نوں قوم کدے معاف نئیں کرے گی۔
نوازشریف آکھیا عمران خان دی اپنی کوئی عزت نئیں لیکن ملک دی بوہت عزت اے، اوہ اک اک ڈالر لئی دنیا توں بھیک منگ رہے نیں، تے بھارتی وزیر اعظم نریندر مودی نال ملاقات لئی منت ترلے کر رہے نیں۔ جدکے مودی آپ چل کے میرے کول آیاسی۔سرکار نے قومی غیرت دا جنازہ کڈھ دتا اے ۔ہن لوکاں دی بس ہوگئی۔ ہن صرف ووٹ نوں عزت دو دا بیانیہ وی چلے گا۔