آئی ایم ایف نال معاہدہ، سٹاک مارکیٹ وچ مندی

پاکستان اسٹاک ایکسچینج (پی ایس ایکس)اک دیہاڑ پہلاں مارکیٹ اُتے تھلے ہوندی رہی، اج دیہاڑ مُکن اتے انڈیکس 816 پوائنٹس گھاٹے ہوتے بند ہویا۔
پی ایس ایکس ویب سائٹ مطابق کاروبار دی شروعات 34،716 پوائنٹس نال ہوئی،فیر اک گھنٹے اندر ای انڈیکس 511 پوائنٹس وادھے نال 35،227 پوائنٹس تیک اپڑ گیا۔
کجھ چرمگروں ای پوائنٹ انڈیکس وچ گھاٹا ہوناشروع ہوگیا،جیہڑی ہولی ہولی 937 پوائنٹس گھاٹے نال 33،779 پوائنٹس دے گھٹ پدھر اتے آگئی۔
ماڑی جئی بہتری نال دیہاڑ مُک گیا، 2.41 فیصد فرق توں 816 پوائنٹس دی کمی نال انڈیکس 33،900 پوائنٹس تے بند ہویا۔تجزیہ کاراں دا آکھنا اے،سرکار ولوں آئی ایم ایف نال معاہدے دے اعلان مگروں ایہہ کمی ہوئی اے۔