اسلام آباد(سجن رپورٹ)سپریم کورٹ نے سابق وزیراعظم نواز شریف دی ضمانت دے دیہاڑ ودھاون دی درخاست رد کر دتی۔ لیگی قائد نے ملک دی سب توں وڈی عدالت وچ ضمانت دی توسیع لئی درخاست دتی سی۔ عدالت آکھیا بئی نواز شریف نے چھ ہفتے جیلوں باہر رہن دے باوجود نرے ٹیسٹ کروائے، علاج اکا کوئی نئیں کرایا۔ سپریم کورٹ ایہہ ریمارکس وی دتے کہ پاکستان وچ دل دی بیماری دا چنگا بھلا علاج موجود اے۔ خواجہ حارث نے دل دیاں شریاناں دے علاج لئی نواز شریف نوں ملک توں باہر گھلن دی اجازت منگی سی، جیہڑی سپریم کورٹ نے رد کر دتی۔نوازشریف دی ضمانت اتے رہائی دی مدت
7 مئی نوں مک رہی اے۔
470
