امریکی خلائی ادارے ناسا ولوں گھلی گئ خلائی گڈی انسائٹ لینڈر نے پہلی واری مریخ ا تے زلزلے دے جھٹکے ریکارڈ کیتے نیں ۔
خلائی گڈی دے سینسرز نے زلزلے وے ھولے جھٹکیاں نوں چھ اپریل نوں ریکارڈ کیتاجواس مشن کا 128 مریخی دن سی۔
ایھ پہلی واری اے کہ اجیھا زلزلہ زمین تے چن توں اڈ کسی وی سیارے اتے ریکارڈ کیتاگیا ہووے۔
ناسادا ’انسائٹ پروب‘ پچھلے ورھےنومبر وچ مریخ اتے اتاریا گیا سی
’خلابازاں نوں کو مریخ اتے گھلنا بیوقوفی اے
اس مشن دا مقصد کئیں زلزلیاں دی جا نکاری کرنا اے تاں جے مریخ دے اندرونی ساخت دی اک ستھری مورت لبھ سکے۔
کھوجی حاصل کیتے سٹیاں دا ویروا زمین دی اندرلی چٹاناں دیاں تتیھاں دے نمونیاں نال کرنا چائوھندے نیں تےاس توں اڈ ایھ وی پتا چل سکےگا کھ دونواں سیاریاں دے ارتقا دے بارے بھوں کجھ سکھن نوں وی ملے گا۔
سنہ 1969 تے 1977 وچکار خلابازاں نے چاند اتے پنج سینسر لائے سی تے ہزاراں زلزلیاں دی معلومات اکٹھیاں کیتیاں سن۔
انسائٹ دا زلزلے ریکارڈ کرندا سیسمومیٹر سسٹم کم فریکوئنسی والے فرانسیسی سینسر ھور وادھو فریکوئنسی والے برطانوی سیسنر دی ورتوں کردا اے ۔۔ اس تجربے نوں ’سیسمک ایکسپیرمنٹ فار انٹیرئر سٹرکچر‘ دا ناں دتا گیااے ۔
اس مشین نوں انسائٹ دے روبوٹک ہاتھ دی مدد نال مریخ دی سطح اتے ، دسمبر نوں اتارا گیاسی ۔
اس نظام دے دونواں سینسرز نے چھ اپریل نوں ایھناں جھٹکیاں نوں محسوس کیتا تے اس زلزلے دی وجہ کیھ سی تے کنے فاصلےتے سی.. اس حوالے نال پکیاں نشانیاں حاصل کرنا تے اخیری نتیجیاں تے اپڑنا اسان کم نھیں ۔۔۔
’
