اپوزیشن سرکار ہٹان اتے اک ہوگئی اے، فضل الرحمان

جمعیت علمائے اسلام دے آگو مولانا فضل الرحمان آکھیا اسیں سارے اک صفحے تے آگئے ہیں، ساڈا وزیراعظم جعلی تے نالائق اے، ایہہ نصب کیتا رکھیا اے۔ اوس نوں ملک دی معیشت تے مسئلیاں بارے کجھ علم نئیں۔ نوازشریف نال ملکی معاملیاں اتے گل بات کیتی اے۔ میں آصف زرداری نال وی چھیتی ملاقات کراں گا۔
مولانا فضل الرحمان دا آکھنا سی،سرکار مخالف کسے تحریک بارے نوازشریف تے ساڈی سوچ اکو جیہی اے ہن طریقہ کار وکھ ہوسکدا اے۔ ایس نوں آون والے دناں وچ ایہہ طے کرنا پاقی اے۔
اوہناں آکھیا نیب اک انتقامی ادارہ اے، جیہدے توں احتساب دی آس وکھائی نئیں دیندی۔ مولانا فضل الرحمان کہیا مک وچ سرکار عمران خان دی نئیں اے۔ اصل حاکم پچھے کوئی ہور نیں۔