اسلام آباد (سجن رپورٹ) عالمی بینک نے آپنی نویں رپورٹ چ پیشن گوئی کیتی اے کہ جاری مالی ورھے پاکستان دی ترقی دی شرح 3.4 فیصد رہسی جیہڑی پچھلے 8 ورھیاں دوران سبھ توں گھٹ اے، 2020ء چ ایہ شرح ہور گھٹ کے 2.7 فیصد ہوسی اَتے جے کر حکومت وڈی پَدھر تے معاشی اصلاحات لاگو کرن چ کامیاب ہو گئی تاں فیر 2021ء چ ترقی دی شرح 4 فیصد ہو سکدی اے۔ رپورٹ چ آکھیا گیائے کہ ایس ورھے افراطِ زر دی شرح 7.1 فیصد ہوون دی آس اے جد کہ مہنگائی ودھن تے روپے دی قدر ہور گھٹن نال اگلے ورھے ایہ شرح خطرناک حد تائیں ودھ کے 13.5 فیصد ہو جاسی جس پاروں سٹیٹ بینک نوں شرح سود 15 فیصد کرنا پووے گی تے ایس کارن ترقی دا گلہ ہور گُھٹیا جاسی۔
رپورٹ چ جنوبی ایشیاء نوں تیزی نال ترقی کرن آلا دنیا دا چوٹی دا علاقہ آکھیا گیا اے جتھے ایس ورھے ترقی دی شرح 7 اَتے 2020ء، 2021ء دوران 7.1 فیصد رہووے گی۔
410
