میرے نال دہشت گردوانگ سلوک کیتا،حمزہ شہباز

لہور ہائی کورٹ نے نیب نوں پنجاب اسمبلی وچ اپوزیشن لیڈر حمزہ شہباز شریف نوں گرفتار کرن توں ڈک دتا اے تے اکھیا اے بئی پیر والے دیہاڑ تائیں حمزہ شہباز نوں گرفتار نہ کیتا جاوے۔ لہورہائی کورٹ نے ایہہ حکم ہفتے دے دیہاڑ اوس ویلے دتا جدوں نیب دی ٹیم نے ماڈل ٹاؤن لاہور وچ شہبازشریف دےگھرحمزہ شہباز دی گرفتاری لیے چھاپہ ماریا سی۔ نیب دا آکھنا اے بئی حمزہ شہباز دے اثاثے اوہناں دی آمدن توں ودھ نیں۔ ایس چھاپے خبر سن دیاں ای نون لیگی کامے اپڑگئے۔ ۔ نیب افسر حمزہ شہبازدی گرفتار بغیر ای واپس مڑگئے حمزہ شہباز ہائیکورٹ فیصلےمگروں گھر دی چھت اتے کھلو کے کامیاں نال گل کردیاں آکھیا کہ اج عدالت وی اوہناں دے حق وچ فیصلہ دتا۔ حمزہ دا آکھنا سی سرکار نے اوہناں نال دہشت گرداں وانگ سلوک کیتا۔