لہور( سجن رپورٹ) لہور ہائی کورٹ نے نیب نوں پنجاب اسمبلی وچ اپوزیشن لیڈر حمزہ شہباز شریف نوں گرفتار کرن توں ڈک دتا اے تے اکھیا اے بئی پیر والے دیہاڑ تائیں حمزہ شہباز نوں گرفتار نہ کیتا جاوے۔ لہور ہائی کورٹ نے ایہہ حکم ہفتے دے دیہاڑ اوس ویلے دتا جدوں نیب دی ٹیم نے ماڈل ٹاؤن لاہو ر وچ شہبازشریف دےگھر حمزہ شہباز دی گرفتاری لیے چھاپہ ماریا سی۔ نیب دا آکھنا اے بئی حمزہ شہباز دے اثاثے اوہناں دی آمدن توں ودھ نیں۔ ایس چھاپے خبر سن دیاں ای نون لیگی کامے اپڑگئے۔ ایس دوران شہباز شریف دے گھر دے باہر کھلوتے سیکورٹی گارڈاں دا نیب ٹیم نال گالم گلوچ وی ہوئیا،اوہناں وارنٹ لے کے آون والے افسراں نوں ڈک لیا،کارکناں سرکاری گڈیاں نوں گھیر کےنعرے بازی کیتی گئی۔ نیب افسر حمزہ شہبازدی گرفتار بغیر ای واپس مڑگئے۔
نیب نے ایک بیان جاری کیتا جے اوہناں کول حمزہ شہباز خلاف پکے ثبوت سن، سرکاری کم وچ مداخلت کرن والیاں خلاف کارروائی کیتی جاوے گی، کیوں جے حمزہ شہباز نوں نیب قنون تحت ملن والے اختیار مطابق گرفتار کرن گئے سن۔
banda apnay ghar wich si te giraftar huay bina keewain zamanat ditti gayi. nab de bandian ne saaday aam bandyan noo te afsaran noo ghar wich zora zori war ke pharya es di zamanat manzoori da intizar keeta.!!!!!