ویروا۔۔شاہد اقبال شاہ
لہور دے پوش علاقے ڈیفنس دی اسما عزیز دی خبر آئی کہ اوہدے گھر والے نیں یاراں دوستاں دے سامنے ڈانس کرن توں انکار تے اوہدی ٹنڈ کر دتی اوہدے اتے ڈاھڈا تشدد کیتا۔ ایہہ خبر جس انداز وچ آئی اوس نوں ویکھ کے پہلا دھیان ایس گل ول گیا بئی جاپدا اے ایس زنانی نوں ڈانس کرن توں انکار کرن اتے نئیں بلکہ ڈانس کرن اتے ماڑا موٹا کٹیا گیا ہوسی۔ ویسے تے ایہہ سارا ڈرامہ ای اے جیویں دی سوانی اے اونج دا ای بندا اے۔ ایہناں دا کم کاج وی سنیا اے بئی رلدا ملدا ای اے۔
سماج دی ایہوں جیھے کردار معاشرے وچ اعتبار تے وقار دے رشتیاں دا خون کر رہئے نیں۔ دکھ دی گل ایہہ وے کہ ساڈا معاشرہ کسے دی وی گل پچھے لگ کے انھے واہ دوڑ پیندا اے۔ اسما عزیز دے کید دی مثال ویکھی جاوے تے اوتوں تھلے تیکر نالائق لوکاں دی لمی لائن دسدی اے۔ کسے پتر کار اوہدی خبر دا کھرا نئیں کڈھیا بلکہ اوہنے اک وڈے چینل اتے آپ ای خبر چھڈی۔ جس مگروں سارے چینل انھے واہ اوہدے پچھے لگ گئے۔ اوہدا مقصد پورا ہوگیا۔ اپنے گھر والے نال اوہنے ٹی وی چینلاں اتے پیٹھ کے رج دشمنی کڈھی۔ سب نالوں فکر والی گل ایہہ سی کہ حکومتی ترجمان نے وی سارے کم چھڈ کے ایس زنانی نوں انصاف دوان تے زور لایا۔ کسے ماڈے بندے نوں اتے ظلم ویکھ کے تے سرکاری مشینری کدھے انج تے نئیں ہلی۔ سب توں وڈی گل اے وے کہ پنجاب پولس دے آئی جی دی انصاف دی رگ وی ایس ماڈرن زنانی دی دہائی اتے پھڑک پئی۔ اوہناں سوچیاں سمجھیاں بغیر ملزم دی گرفتاری تے اوہنوں عبرت ناک انجام وکھاون دا حکم دے چھڈیا۔ ایہنے وڈے افسر ولوں ایہنی چھوٹی گل پریشان کر دیندی اے کیوں جے اصول تے ایہہ وے کہ اوہ حکم دیندے بئی پولس تفتیش کرے کہ ظلم ہویا اے کہ نئیں۔ جے ظلم ہویا اے تے ملزم نوں پھڑو جے جھوٹ اے تے الزام لاون والے اتے قڈف دا مقدمہ درج کیتا جاوے۔ آئی جی بغیر تفتیش سدھا ملزم پھڑن دا حکم دے دتا، جیھڑا اوہناں نوں زیب نئیں دیندا۔ ایس کیس توں ہٹ ایہہ بڑی ضروری گل اے بئی ملزم پھڑن تو پہلاں تفتیش ہونی چاہیدی اے، گرفتاری مگروں تفتیش وچ کوئی بے گناہ وی نکلے تے کوئی نئیں منن لئی تیار نئیں ہوندا۔ کیوں جے ساڈا معاشرہ ملزم تے مجرم وچ فرق نئیں کردا۔ اوہ ملزم نوں ای مجرم سمجھ لیندا اے۔
557
کسی واقعہ, صورتحال اتے وچار ہر عاقل بالغ انسان دے آپنے ہوندے نیں جیہڑے کجھ وی ہو سکدے نیں, سبھناں دے وچاراں دا احترام واجب اے. لیکن…… کسی واقعی, صورتحال دے بارے وچ اطلاع جے کسے نوں دسیئے تے پرکھ پڑچول کر کے اطلاع اوہو ہی دینا چاہی دا اے جو اصل واقعہ، صورتحال ہے. ایس تحریر وچ شامل “اطلاع” وچ گڑبڑ اے. واقعہ کیہہ ہویا پہلاں ایہہ ٹھیک ٹھیک دسو .اپنے وچار کجھ وی ہوون اوہناں نوں شئیر کرن دا سبھ نوں حق اے تے اوہناں تے تنقید کرن دا وی سبھ نوں حق اے.
eh te zaroor hooya way paei kuri dey baal moonday gaye ne te eh kaam oos de banday ne keeta . eh modern hoowanya kujh hor kuri de pawaen woh apni buddi howay zaulm je te bnday no saza milni chahi di ae.
مرضی تو بغیر شوہربیوی نوں ہتھ وی لائے گا تے اوہ زبردستی ہووے گی، ایس کیس وچ تے شوہر نے بیوی داسر وی منیا تے مار کٹ وی کیتی، جیویں رہتل بدل رہی اے اسس نوں کوءی ڈک نئیں لا سکدا ، سانوں ہی بدلنا ہوءے گا، سخت گل اے پر کہ دین تے دل کردا اے پئی ویاہ کوءی مقدس شے نئیں سماجی معاہدہ اے، اسی اپنی تے دوجیاں دی تیاں پیناں تے احسان کراں گے جے اوہ آزاد رہ سکن نہ کہ کسی دی بیوی تے ناں تے لونڈٍی بن کے رہن