اسلام آباد( سجیل ڈوگر) افغانستان نے پاکستانی وزیر اعظم عمران خان دے غیر ذمہ دار بیان تے احتجاج کر دیاں پاکستان وچ اپنا سفیر واپس سد لیا اے۔ ایس توں پہلاں کابل وچ پاکستان دے ڈپٹی سفیر نوں دفتر خارجہ سد کے احتجاج کیتا گیا سی۔
وزیر اعظم عمران خان نے پیر والے دیہاڑ آکھیا سی بئی طالبان نال گل بات کامیاب کرن لئی افغانستان دی حکومت ختم ہونی چاہیدی اے تے اوس دی تھاں عارضی حکومت بننی چاہیدی اے۔
عمران خان نے اکھیا سی بئی افغانستان دی سرکار طالبان نال گل بات دی کامیابی دی راہ وچ رکاوٹ اے۔ افغانستان دی خارجہ معاملیاں دی وزارت دے بلار صبغت اللہ احمدی نے اپنے ٹویٹ سنیہیاں وچ دسیا بئی پاکستانی ڈپٹی سفیر نوں سد کے عمران خان دے غیر ذمہ دار بیان اتے احتجاج کیتا گیا اے۔
اک مہینے دے وچ تیسری واری افغانستان نے طالبان نال گل بات دے عمل وچ پاکستان کولوں وضاحت منگی اے۔
423
