بہاولپور وچ پڑھیار نے استاد نوں قتل کر دتا

بہاولپور(سجن رپورٹ ):صادق ایجرٹن کالج بہاولپور وچ انگریزی شعبے دے سربراہ پروفیسر خالد حمید نوں ہک پڑھیار نے چھری دے وار کرکے قتل کر دتا اے طالبعلم دا آکھنا اے بئی پروفیسر دی سوچ اسلام مضالف اے ۔ پولیس نے پڑھیار نوں گرفتار کر لیا اے
پولیس دے بلار نے دسیا بئی پڑھیار دے خلاف پروفیسر خالد حمید دے پتر دی درخواست مل گئی تے ہن پرچہ کٹیا جا رہیا اے۔ پولیس دے بلار دا کہنا اے بئی پڑھیار نے چھری دے وار کر کے پروفیسر خالد حمید نوں قتل کیتا اے۔ پڑھیار نوں موقع توں ای پھڑ لیا گیا اے۔ ایہہ پڑھیار اپنی جماعت دی الوداعی پارٹی دے مخالفت کر رہئے سن۔
ایس وقوع مگروں لوکاں نے اکٹھے ہو کے قاتل پڑھیار نوں پھڑ لیا تے ملزم دے بیان دی ویڈیو فلم وی بنائی۔ ایس قتل دی پوری پڑچول کرن لئی پولیس نے اک ٹیم بنا دتی اے۔
پولیس نے پڑھیار نوں گرفتار کر لیا اے