پی ٹی ایم والے جوان ٹھیک نیں، بلاول بھٹو

پیپلز پارٹی دے آگو بلاول بھٹو دا آکھنا اے کجھ لوکیں پختون تحفظ موومنٹ نوں شک دی نگاہ نال ویکھدے نیں، مینوں اینہاں جواناں توں ڈاھڈی آس اے۔
بی بی سی نال گل کردیاں بلاول بھٹو دا آکھنا سی، پیپلز پارٹی نے ہر مسئلے اتے واج چکی اے، نالے سچ دا ساتھ دتا اے۔ پی ٹی ایم بنن توں پہلاں وی کواچے لوکاں بارے، انسانی حقاں، قانون تے پارلیمان دی حاکمیت دی گل ہوندی سی۔ جے ہن پشتون تحفظ موومنٹ وی ایہو گل کردی اے، اوس سٹیا نئیں جاسکدا۔
بلاول بھٹو نے کہیا، فاٹا بارے دنیا کہندی سی، ایہہ تیکھی سوچ رکھن والے شدت پسنداں دا گڑھ اے۔ اج اوتھے دے جوان جمہوریت،آئین تے قانون دی گل کر رہے نیں۔
پیپلز پارٹی چیئرمین دا آکھنا سی، جے نیشنل ایکشن پلان تےویلے سر عمل کیتا ہوندا تے، اج دنیا وچ پاکستان دی تھاں کجھ ہور ہوندی۔انڈیا کول سانوں انتہاپسند الزام لاون دے جرات ناں ہوندی۔سانون ہن کالعدم تنظیماں خلاف کریک ڈاؤن کرنا پے رہیا اے۔