اقوام متحدہ دے سیکرٹری جنرل انتونیو گوتریس نیں آکھیا کہ لوک سوشل میڈیا اتے مشغول ہون توں ڈر جان گے۔
جنیوا وچ اقوام متحدہ دی انسانی حقاں دی کونسل نال خطاب کردے ہوئے اوہناں نے آکھیا کہ جدوں تیزی نال ترقی کرن آلی ٹیکنالوجیاں ساڈی زندگی دے ہر پہلو وچ گھل رہیاں نیں، میں انسانی حقاں دے غلط استعمال بارے بہت فکر مند آں۔
گوتریس ہور آکھیا کہ سب توں چنگی صورت وچ، سوشل میڈیا لوکاں لئی احترام نال بحث وچ خیالات دا تبادلہ کرن دا اک میدان اے، لیکن بدترین صورت وچ، ایہ جہالت دا میدان جنگ بن سکدا اے۔
“اک اجہی تھاں جتھے غلط معلومات، نسل پرستی، عورت دشمنی تے نفرت انگیز تقریراں دے زہر نوں نہ صرف برداشت کیتا جاندا اے بلکہ اکثر حوصلہ افزائی کیتی جاندی اے۔”
اوہناں آکھیا سوشل میڈیا اتے ہوون والے زبانی حملے آسانی نال جسمانی تشدد وچ بدل سکدے نیں۔
29
