لکھاری . زاھد اقبال بٹ
لاک ڈوئن توں بعد زندگی دا انگ وکھرا ھو جاسی۔ بازار ھوون یاں شاپنگ سیٹر ،ھسپتال ھوون یاں سکول یونیورسٹیاں، ھوائی سفر یاں یاں بس ٹرین ھر پاسے کثرت نال سپرے ھو رھیا ھووے گا تے لوک ھر پاسے تلیاں رگڑ دے نظر آرھے ھوون گے تے ساھمنے پلاسٹک دی بندوق تانے کوئی تھاڈا ٹمپر یچر چیک کر رھیا ھووے گا۔۔ شھر قدرے صاف نظر آرھے ھوون گے۔ بنکاں دے میزبان شیشے لشکاں مارھے ھوون گے ۔پر بنکاں باھر ڈکیتیاں دا کم آسان ھو جائے گا۔۔ تے لوکیں لمیاں قطاراں سمیت بنکاں باھر دھپاں وچ سڑ رھے ھوون گے تے بنک باھر گارڈ ، گارڈ فادر بن جائے گا۔پرائیوٹ سکولاں دیاں فیساں سن کے لوک گورئنمنٹ سکولاں ول پھجن گے ،اوتھے وی کرونا پالیسی دی وجا توں سکولاں کالجاں وچ تھاں گھٹ ھو جاسی تے ماپے اپنے بالاں نوں ٹیکنیکل کماں وچ جھوک دیون گے ۔پھلے 5 سالاں وچ عالمی وپاری کمپنیاں لوکاں نوں پھڑتوں پائی رکھن گیاں تے ھولے ھولے پانی دی مٹی تھلے بیھناں شروع کر دیوے گی تے لوکاں نوں اس اندھے پن توں وی جان چھٹنی شروع ھو جائے گی ، سارے لوکاں آن لائین بنکنگ تے سارے وپار دیاں ادائیگیاں سکھنیاں پین گیاں تے ھر گھر وچ لیب ٹاپ ، انوینٹیلیٹر ، کیچ اپ دی تھاں سینیٹا ئیزر دی خرید لازمی ھووے گی ۔ھوٹلاں دا کاروبار گھٹ ھو جاسی تے تندوراں اتے رش نہ ھوون دے برابر ھو جاسی …. ساری دنیا دے لوکاں اندر خوف دے سائیکالو جیکل افیکٹس اپنا اُثر شدت نال کر رھے نیں تے اگلے 20 سالاں وچ رھندیاں رشتے داریاں برائے نام ھو جاون گئییاں تے جزبادیت دی تھاں فکری تحریک جڑ پھڑے گی.. کھیڈاں اندر اجوکے سمے دے کھڈاریاں دی حیاتی داء اتے لگ گئی اے تے سارے کھڈاریاں اندر پھرتیاں دیاں اٹکلاں گھٹ دیاں جا رھیاں نیں تے آون والے کھڈاریاں لئی اوکھا ھوسی کہ اوہ سابقہ قائیم کیتے ریکارڈاں نوں اسانی نال توڑ سکن …….. جاری اے ۔۔ باقی فیر
![](https://sajjanlahore.com/wp-content/uploads/2019/03/zahid-butt-800x320.jpg)