کوئی چارھ کرئیے

لکھاری. زاھد اقبال بٹ
بعض ویلے جنھاں لمھیاں تے situation نوں خوشی دی علامت سمجھنے آں اوھ کجھ چر مگروں سرد جنگ دا روپ دھارنا شروع کر دیندیاں نیں تے مڑ ساری حیاتی دی سر پیڑ ھ وی بن جاندیاں نیں۔ کوئی وی سیچوایشن پھیڑی یاں چنگی نھیں ھوندی بس اوھ صرف سیچوایشن ھوندی اے۔ بنداں ساری حیاتی ایس کھوج وچ رھندا کوئی آئیڈیل سیچوایشن اوھدی زندگی دا حصا بنے تے حیاتی سکون تے امن نال لنگھ جاوے گی اوھ سیچوایشن کدی نھیں آوندی امن صرف مرن توں مگروں ای آوندا اے . بندھ ساری زندگی اس مغالتے وچ گزار دیندا اے پر اجیحے من مر ضی دے لمھے نھیں آوندے سگوں اجیھے لمھیاں دی اڈیک تھکا کے رکھد یندی اے حیاتی ریت دے رسے وٹن دا ناں نھیں،حیاتی دے لمھیاں نوں بھر پور طریویاں نال گزارن دی کھیڈ اے اس حیاتی دے پلٹے کوئی سازنداں ای سمجھ سکدا اے اناڑیاں اگے انج اے جیویں گاں اگے بین وجانا۔سجنوں امن سکون دا مطلب لتاں پانی وچ ڈبو کے بیھن دا ناں نھیں تے ناں ھی لٹ مار تے عیاشی کرن دا ناں اے سگوں میرے بھانے حیاتی اوکڑاں نال ٹکر لین دا ناں اے ، اکھاں وچ اکھاں پا کے ” کیھن ” دا ناں اے ۔حیاتی لکن میٹی نھیں ایھ تے اوکڑاں نال جپھی پاون دا ناں اے۔مترو ۔۔ خواھش کرنا بھیڑی گل نھیں پر اونھوں سر اتے سوار کر لینا تے بے صبری دیاں ساریاں حداں پار کرنیاں کوئی سمجھداری والی گل نھیں اسیں جاننے آں کھ بے صبری وچ طلب چھپی ھوندی اے جو بھوں تنگ کر دی اے سٹے وچ بندے وچ بے چینی ودھ جا ون نال بندھ کاھلا پے جاندا اے تے اوس نوں اپنی پے جاندی اے تے اوھ دوجیاں نال مونھ پھٹ ھو جاندا اے ۔اپنی ایس خواھش نوں پورن لئی اوھ کسے وی حد تک جا سکدا اے۔ اسیں جے کر نتارا کرئیے تے سانوں غیر ضروری خواھشاں پوریاں کرن داویلا متھناں نھیں چاھیدا تے ناں ای ھر ویلے اپنے جسے نوں ویلے نال گنڈھ مار کے رکھنی چا ھیدی اے ، ھن تھاڈی مرضی اے کھ تسیں لنگھدے ویلے نوں کنج ویکھدے او۔ ایھ وی گل گولن جوگیں اے کھ بندھ قدرتی بد لدے لمحے تے situation نوں انسان کیلن وچ کامیاب نھیں ھو سکیا تے نا ھی دھکے زوری اسانیاں اپنی جھولی وچ پا سسکیا اے صرف اوھ اپنے عارضی الیکے ٹھل ٹکوردیاں قسطاں جیویں ھسن روون دے ویلے، ملن تے وچھڑن دی رام کھانیاں ، محبت تے نفرت دی کاشتکاریا ، پاکی تے پلیتی دی گلکاریاں ، عزت تے بے عزت کرن دی رعاکاریاں ،مرن توں بعد فیدا چکن دی شطرنج بازیاں، ساری حیاتی لٹ مار کرن مگروں ماڑیاں دی سیوا دی چترکاریاں تے الیک سکدا اے پر من مرضی نال سیچوایشن نوں اپنی جھولی وچ نھیں پا سکدا