کوئی منتر ،ٹونا..

لکھاری زاھد اقبال بٹ
سماجی تحریکاں دی اٹکل تے اوھدے اندر چھپیاں رمزاں تے بے حد لمیاں مسافتاں دیاں اوکڑاں سھن والاھی
ایکٹو ازم دے معنے سمجھدا اے کیونجے اوھ بےوس تے ماڑے لوکاں دی زندگی دا حصا ھوندا اے اوھ جو کجھ لکھدا اے اوتھے موجود ھوندا اے تے جھیڑا موجود نھیں ھوندا اوھ درست صورت حال دا ویروا کر ای نھیں سکدا ایھ کڈی ماڑی گل اے اجیھے لوکیں سوھنے لفظاں دی چون نال مدعا تے بیان کیتا جا سکدا اے پر شخصیت دے کھوکھلے پن دی وجا توں اونھاں دی گل بے ا ٖثر ھوندی اے تے اجیھے لوکیں تقلیدی معرکیاں دی کتاباں وچ دفن ھو جاندے نیں ۔سچا بندھ یاں بندی Present situation وچ رھ کے کم نوں پورا کردا اے تے پورے ھوش نال کردا اے تے اجیھا ماں دا لال تے ماں جائیاں دھی رانیاں مر کے وی نھیں مردیاں کیونجے اجیھے لوکیں مال متاں اکٹھا کرن لئی تحریکاں دا حصا نھیں بندے سگوں اوھ نو ے عالمی سماج دی اساری وچ اپنا ھتھ ونڈا رھے ھوندے نیں ۔اجیھے لوکاں دے پینترے عام لوکاں توں وکھ ھوندے نیں پر ریاستاں نوں اجیھے لوکیں وارے وچ نھیں ھوندے کیونجے اونھاں دی الیکیاں حد بندیاں تے concluded statements دے متعین رستیاں ن وچ وگاڑ پیدا ھوون دا خوف ھوندا اے اونھا ں نوں ایھ ڈر ھوندا اے جو ھتھ وچ اے چھٹ نا جائے تے جس زمیں تے کھلوتے نیں اوھ متے ھیٹو کھسک نا جائے . اس وتکرے پاروں زندگی مرجھا رھی اے،پریشانیاں لوکاں دے مکھاں تےنظری آ رھیا نیں۔ورھیاں دی ّغفلت نے زندگی دی خوبصورتی نوں مردھ شکل وچ ڈھال کے رکھ دتا اے. تے جیکر ایھ زندگی اجیھیاں ڈنگ ٹپائو وطیریاں دے ڈھائے چڑھی رھی تے فیر اڈیکو جد انسانیت مردھ خانیاں وچ ڈھل جائے گی…. ………………