کر کتن ول دھیان کڑے

لکھاری زاھد اقبال بٹ

بندھ جنھاں اپنی حیاتی وچ دھن دولت جمع کردا اے ۔اوھدا اونھاں ای پیار اتے یقین گھٹ جاندااے۔سوال ایھ پیدا ھوندااےکھ دولت دے موڈھیاں اتے چڑھ کے پیار دی کھیڈ کیتی جا سکد ی اے۔ایھدا سدھاجواب اے پئی –نھیں—دھن نال شیواں تے خریدیاں جا سکدیاں نیں —پر بھروسھ نھیں۔جو مانواں اپنے جمے بال نوں اپنی چھاتی نال لائی رکھدیاں اونھاں دے بال مانواں دے کچھڑوں بدوبدی لتاں مار کے جان چھڈاندے نیں ۔ایھ سچا تےنرول بھروسھ ،جمدیاں گڑھتی کچھڑ چڑھیا مل نھیں لبھدا ۔پیار دی ایھ ترتیب تے بھروسھ ماں دے ڈھڈ اندروں ای شروع ھوندا اےتے مرن تائیں نال رھندااے تے ایھ سلسلا اگلیاں نسلاں تائیں چالو رھندا اے۔جنھاں مانواں اتے بالاں دا وساھ ڈانواں ڈول ھووے یاں ٹٹ پھج جاوے تے سٹے وچ اونھاں دے بالاں دا ؤساھ وی سماج توں اٹھ جا ندا ا ے۔ بالاں اندر بھروسے دی اجیھی کمی سماج نوں کھانگھڑ مجھ وانگوں کر دیندی اے تے مڑ اجیھے سماجی ورتارے نسل در نسل قوماں دی تباھی دی وجھ بندے نیں۔