پاکستان کمیونسٹ پارٹی دے سابق سیکریٹری جنرل جام ساقی دی پیدائش سندھ دے صحرائی علاقے تھرپارکر دے پنڈ جنجھی وچ ہوئی، جتھے ابتدائی تعلیم حاصل کرن مگروں اوہناں میٹرک چھاچھرو توں کیتا مزید تعلیم حاصل کرن خاطر اوہ حیدرآباد آگئے جتھے سیاسی زندگی دی شروعات کیتی۔
حیدرآباد تے فیر سندھ یونیورسٹی وچ اوہ طلبہ تنظیماں وچ سرگرم رہے بائیں بازو لیفٹ دی سیاست وچ ودھ چڑھ کے حصہ لیتا بعد وچ اوہناں نے کمیونسٹ پارٹی وچ شمولیت اختیار کرلئی۔
جام ساقی دی زندگی زیادہ تر زیرِ زمین تے جیلاں و گزری۔ اسیری دوران اوہناں شاہی قلعے تے مچھ جیل وچ مشکلاں برداشت کیتیاں۔ 1980 دی دہائی وچ جنرل ضیاالحق دور وچ جدوں کمیونسٹاں خلاف کریک ڈاؤن ہویا تاں جام نوں دوجے ساتھیاں سمیت گرفتار کرلیا گیا بعد وچ ایہہ کیس جام ساقی کیس دے نام توں مشہور ہویا۔
فوجی عدالت وچ ایس کیس دی سماعت دوران بینظیر بھٹو، ولی خان، غوث بخش بزنجو سمیت اوس وقت دے سرگرم سیاسی رہنما جام ساقی لیے گواہی دین پہنچ گئے، کہندے نیں کہ ایس کیس نیں سیاسی قیادت نوں رابطے دا پہلا پلیٹ فارم مہیا کیتا۔
1988 وچ جام ساقی تھرپارکر توں قومی اسمبلی دی سیٹ اتے الیکشن وچ حصہ لیتا لیکن کامیابی حاصل نہیں ہوئی، جس توں بعد اوہناں سندھ وچ امن تے سیاسی شعور لیے کموں شہید سے کراچی تک پیدل لانگ مارچ کیا تھا۔
1994 وچ سابق وزیر اعلیٰ سید عبداللہ شاہ دے اصرار آتے پاکستان پیپلز پارٹی وچ شمولیت اختیار کرلئی، جس مگروں اوہناں نوں صوبائی مشیر جیل خانہ جات مقرر کیتا گیا لیکن جلد سرکار دے خاتمے مگروں اوہ پیپلز پارٹی توں دور ہو گئے۔
کامریڈ جام ساقی انسانی حقوق کمیشن دے سرگرم رکن وی رہے، بدین وچ لڑکیاں دی خریدو فروخت دی (فیکٹ فائنڈنگ) تحقیقات لیے جد اوہ ارباب غلام رحیم دے رشتے داراں دے گاؤں پہنچے تاں ارباب اوہناں توں ناراض ہوگئے تے جام دے گھر چھاپہ مار کے اوہناں دی گھروالی نوں گرفتار کرالیا۔۔
جام ساقی نیں سندھی وچ ناول کھاڑوی کھجن تحریر کیتا جدکہ جام ساقی کیس دے تفصیلات تے بیانات ’آخر فتح عوام کی ہو گی‘ ’ضمیر کے قیدی‘ وچ شامل اے، احمد سلیم نیں جام ساقی دی حیاتی اتے کتاب ’چلو کہ وہ منزل ابھی نہیں آئی‘ تحریر کیتی اے۔ جام ساقی 5 مارچ 2018 نوں حیدرآباد وچ دنیا توں ٹرگئے۔۔
85
