(اسلام آباد سجن ڈیسک ) امریکی صدر ڈونلڈ ٹرمپ دا آکہنا اے کہ ایھناں دی سرکار نے امریکہ نوں جدید میزائیلاں تے دُوجے فضائی خطریاں تُوں محفوظ بناون لئی ’گولڈن ڈوم‘ میزائل ڈیفنس سسٹم دے ڈیزائن دی منظوری دے دتّی اے
ایہناں دا آکہنا اے کہ ایہ ماڈرن دفاعی نظام ایہناں دے دورِ صدارت دے مُکن تُوں پہلاں ای تیار ہو جاسی۔
چیتے رہے کہ دوجی وار صدارت دا منصب سنبھالن تُوں مگروں ڈونلڈ ٹرمپ نے اجیہا جدید فضائی دفاعی نظام بناون دا ارادہ ظاہر کیتا سی جہدے نال امریکہ نوں بیلسٹک تے کروز میزائلاں سنے دوجے فضائی خطریاں تُوں محفوظ رکھیا جا سی۔
ٹرمپ دا آکہنا اے کہ ابتدائی طور اس منصوبے نوں توڑہ چاڑھن لئی 25 ارب ڈالر متھے گئے نیں جد کہ اس دی کل لاگت 175 ارب ڈالرز آوے گی
56
