لہور (سجن رپورٹ) پنجاب دے وزیر اعلیٰ عثمان بزدار نے سابق وفاقی مشیر ڈاکٹر سلمان شاہ نوں اقتصادی ماملات تے منصوبہ بندی لئی آپنا مشیر بنا دِتا تے اوہناں دی تقرری دا نوٹیفیکیشن وی جاری کر دِتا گیائے۔ سلمان شاہ نوں مشیر بناون لئی وزیراعلیٰ پنجاب نوں پہلاں توں موجود آپنے پنج مشیراں وچوں اِک کولوں استعفیٰ لینا پیا کیوں حے قانون مطابق وزیراعلیٰ اک وقت وچ پنج توں وَدھ مشیر نہیں رکھ سکدا۔ ڈاکٹر سلمان شاہ نے امریکہ دی انڈیانا یونیورسٹی توں ڈاکٹریٹ کیتی اے تے کئی غیرملکی تے پاکستانی یونیورسٹیاں وچ سولہ ورھے تائیں پڑھاندے رہے۔ اوہ 2004 توں 2008 دوران شوکت عزیز دی سرکار وچ مشیر دی حیثیت نال کم کر دے رہے۔ نگراں وزیراعظم ملک معراج خالد دے دور چ پرائیویٹائزیشن کمشن دے چیئرمین وی رہ چُکے نیں۔
434
