بلوچستان دے ضلع بارکھان دی تحصیل رکھنی وچ ہتھیار بند گرداں نیں شناختی کارڈ ویکھ کے 7 مسافراں نوں بس توں اتار کے قتل کر دتا۔
وقوع رکھنی توں ڈیرا غازی خان نال ملانے والی شاہراہ اتے پیش آیا۔ جتھے 10 تو 12 دہشت گرداں نیں کوئٹہ توں فیصل آباد جان والی مسافر بس نوں روک کے اوس وچوں 7 مسافر شناخت کر کے نیچے اتارے تے اوہناں نوں گولیاں مار کے فرار ہوگئے ۔
مرن والیاں دا تعلق پنجاب دے مختلف شہراں توں سی۔
اسسٹنٹ کمشنر بارکھان خادم حسین دا کہنا اے کہ بس دے 7 مسافراں نوں اتارن مگروں فائرنگ کرکے قتل کیتا گیا۔
اسسٹنٹ کمشنر مطابق بس کوئٹہ توں فیصل آباد جارہی سی، لیویز تے ایف سی نیں علاقے نوں گھیرے وچ لے لیا اے۔ لاشاں نوں رکنی اسپتال منتقل کیتا جارہا اے ۔
بس دے مسافر ذیشان میڈیا نال گفتگو کردے دسیا کہ 10، 12 مسلح افراد نیں بس روک کے 7 مسافراں نوں فائرنگ کر کے قتل کر دتا۔
