پاکستان دا بلیک لسٹ دا خطرہ ٹل گیا

اسلام آباد: بلیک لسٹ وچ جاون دا خطرہ ٹل گیا، پیرس وچ FATF دا اجلاس شروع، پاکستان نے 27 وچوں 14 نکتے اتے مکمل عمل کیتا، فیصلہ سیاسی تے سفارتی کوششاں اتے ہووے گا، سویلین تے فوجی قیادت دی کوششاں پاروں بھارتی عزائم ناکام ہوگئے، پاکستان نوں گرے لسٹ توں کڈھ دتا جاوے گا۔ یاں فیر ہور 6 مہینے رکھیا جاوے گا،’’اسٹیٹ بینک توں مالیاتی اداریاں دے آڈٹ، مرکز تے صوبیاں دی سرکاراں دے آپسی رابطیاں دے طریقہ کار‘‘اتے پورا عمل کیتے جاون والے نکات وچ شامل۔
تفصیل مطابق فنانشل ایکشن ٹاسک فورس (ایف اے ٹی ایف)نے کل 27ایکشن پلان وچوں 14 اتے پاکستان ولوں مکمل عمل درآمد ویکھیا اے جس توں لگدا اے کہ ملک انسداد منی لانڈرنگ دے نگراں ادارے دی ساری شرطاں اتے عمل کررہیا اے۔
پیرس وچ ایس ہفتے جاری رہن والے ایف اے ٹی ایف اجلاس وچ پاکستان دی قسمت دا فیصلہ 2 امکاناں نال بدھیا ہویا اے، یاں تے پاکستان نوں گرے لسٹ توں کڈھ کے ’’وائٹ‘‘ لسٹ وچ پادتا جاوے گا یاں فیر اوس نوں 3 توں 6 مہینیاں تیک ہور گرے لسٹ وچ رکھیا جاوے گا۔