جڑانوالہ (نمائندہ سجن) وکیل نے مقدمے دی سنوائی کرن والے جج نوں عدالت وچ کرسی مار کے اوہناں دا سر پھاڑ دِتا جیہدے کارن اوہ لہو لہان ہو گئے۔
دسیا جاندائے کہ مقدمے دی سماعت دوران عمران منج نامی وکیل دا سنیئر سول جج خالد محمود وڑائچ نال جھگڑا ہو گیا۔ وکیل نے غصے چ آ کے کرسی جج ہوراں دے سر تے کَڈھ ماری جس نال او چوکھے زخمی ہو گئے تے اوہناں نوں تُرت ہسپتال پہنچا دِتا گیا۔ جج نوں زخمی کرنیوالے وکیل دا لائسنس معطل کر کے اگلی کارروائی لئی 4 مئی نوں پنجاب بار کونسل ایگزیکٹو کمیٹی دی بیٹھک سَد لئی گئی اے۔ واقعے خلاف احتجاج کر دیاں ججاں نے عدالتی کارروائی دا بائیکاٹ کر دِتائے۔
759
