اسلام آباد (سجن رپورٹ) سینٹ نے نِکی عمرے ویاہ روکن دا بل منظور کر لیا جیہدے موجب ویاہ لئی عمر دی حد گھٹو گھٹ 18 ورھے مِتھی گئی اے۔ سینٹ چئیرمین صادق سنجرانی نے پیپلز پارٹی دی سینیٹر شیری رحمٰن ولوں لیاندا بَالاں دا ویاہ روکن بارے ترمیمی بل بحث مگروں منظوری لئی جدوں ایوان چ پیش کیتا تے مذہبی جماعتاں دے ارکان نے احتجاج شروع کر دِتا جد کہ تحریک انصاف دے ارکان نے ووٹاں چ حصہ نئیں لیا۔ جمعیت علمائے اسلام اَتے جماعت اسلامی دے ارکان پہلوں واک آؤٹ کر گئے تے بعدوں ایوان چ پَرت کے چیئرمین سینیٹ دے ڈائس ساہمنے خوب کھپ رَولا پایا۔
395
