سروسز اسپتال لاہور وچ سابق وزیراعظم نواز شریف دا علاج جاری اے، اوہناں دے خون وچ چٹے خلیے پلیٹ لیٹس پہلاں 10 ہزار فیر تقریباً دو ہزار رہ گئے سن، ڈاکٹراں نے نواز شریف نوں پلیٹیلیٹس لانا شروع کردتے۔
اک گل سمجھ نئیں آئی پئی سابق وزیراعظم نواز شریف دے خون وچ سفید خلیے اکو سار پریشانی دی حد تیک گھٹ کیویں ہوگئے ؟
حکومت تے ن لیگ ولوں اک دوجے اتے الزام لگاون دا سلسلہ ٹُر پیا اے۔
صدر ن لیگ شہباز شریف نے اسپتال وچ نواز شریف دی عیادت کیتی تے نواز شریف دے پلیٹیلیٹس تیزی نال گھٹ ہوون اتے تشویش ظاہرکیتی۔
شہباز شریف نے ویلے سر طبی امداد نہ دیوں اتے انکوائری دا وی مطالبہ کیتا اے تے نوازشریف نوں دیر نال اسپتال منتقل کرن دا الزام وی لایا اے۔
ن لیگ دے رہنما احسن اقبال نے آکھیا اے کہ سیاسی مخالفاں دی بیماری اتے سیاست تحریک انصاف نے متعارف کرائی۔
اوہناں الزام لایا پئی حکام نے نواز شریف دے ذاتی معالج دی رپورٹاں ردی دی ٹوکری وچ سٹ دتیاں ،احسن اقبال نے کہیا کہ میڈيا اتے رپورٹس نشر ہوون مگروں نوازشریف نوں اسپتال منتقل کیتا گیا، نواز شریف نوں کجھ ہویا تاں عمران خان ذمہ وار ہوون گے۔
ایس موقعے اتے ن لیگ دی ترجمان مریم اورنگزیب نے آکھیا کہ قومی احتساب بیورو (نیب) ولوں ڈاکٹرعدنان اتے غلط دوا دیوں داجھوٹا الزام لگایا جارہیا اے۔
وزیراعظم عمران خان کی معاون خصوصی برائے اطلاعات فردوس عاشق اعوان دا اس حوالے نال کہنا اے کہ جد کیمرے دی اکھ تہانوں سبھ کجھ وکھاندی اے، تاں تہانوں ایس نوں دی اکھ تہانوں سبھ کجھ دکھاندی اے۔ قوم ویکھ رہی ہے کہ یہ ہشاش بشاش نیں، اپنے قدموں اتے چلدیاں ہوئیاں گاڑی آئے سن۔
