سابق وزیر اعظم نواز شریف دے اپنے طبیب ڈاکٹر عدنان خان نے جیل وچ ملاقات کیتی،جدے مگروں اوہناں آکھیا پئی میاں صاحب دی زندگی خطرے وچ اے تے ایہہ اک وارننگ اے جدکے مریم نواز نے والد نال ملاقات دی اجازت نہ دینےاتے سرکار نوں تنقیددا نشانہ بنایا۔ ٹویٹر اتے اپنے سنیہے وچ آکھیا کہ سابق وزیر اعظم نواز شریف نوں صبح 4 بجے لاگے تکلیف ہوئی تے سانس لین وچ اوکھت پیش آئی ۔ایس صورتحال اتے گارڈ توں سیل دا دروازہ کھولن دی درخواست کیتی تے اسپرے مگروں اوتھے کجھ چر ٹرے جدے نال اوہناں دی طبیعت ٹھیک ہوگئی۔
ڈاکٹر عدنان نے چنتا دسی پئی، میاں صاحب دی زندگی نوں خطرہ اے تے ایہہ اک وارننگ اے۔
مریم نواز نے ڈاکٹر عدنان دے ٹویٹ دے جواب وچ آکھیا کہ سرکار اوہناں نوں اپنے والد نال ملن دی اجازت نئیں دے رہی۔
مریم نواز دا آکھنا سی جعلی تے سیاسی مقدمیاں وچ قید نواز شریف دی صحت نوں خطرہ اے، دھی نوں اپنے والد نال ملن نہ دیون والیاں توں وڈا ظالم کون ہووے گا؟
اوہناں آکھیا کہ ظلم، نفرت اور انتقام دی غلیظ سیاست کرن والیاں نوں نئیں بھلنا چاہیدا کہ رب دناں نوں الٹا پھیردا رہندا اے تے ہمیش دی بادشاہی رب دی اے۔
380
